Barmhartigheid

As Christus se liggaam is Somerstrand Gemeente geroep om as geloofsgemeenskap mekaar te versorg en te ondersteun (Nader aan mekaar te groei). Verder is ons geroep om betrokke te raak by die seer en die nood van ons omgewing deur selfs die wat teen ons vyandig is met die goedheid en liefde van ons Here te bedien (Sodat die wêreld kan glo).

​​

Moenie versuim om gasvry te wees nie, want hierdeur het sommige, sonder dat hulle dit weet, engele as gaste ontvang. Dink aan die gevangenes asof julle medegevangenes is, aan hulle wat mishandel word asof julle dit self aan julle liggaam beleef… En moenie versuim om goed te doen en mededeelsaam te wees nie, want God het behae in sodanige offers. 

Hebreërs 13:2-3, 16 Afr20

Jesus het naasteliefde beskryf deur die gelykenis van die barmhartige Samaritaan, ‘n man wat nie verby ‘n ander mens se nood kon stap sonder om te help nie. Ons is geroep om nie meer selfsugtig en geldgierig te wees nie, maar te leef met die ingesteldheid van Paulus wat in Handelinge 20:35 gesê het:

“In alles het ek vir julle gewys dat 'n mens deur hard te werk, die swakkes moet help, en die woorde van die Here Jesus moet onthou toe Hy gesê het, ‘Dit maak 'n mens gelukkiger om te gee as om te ontvang.’