Senior-lidmaatbediening
Somerstrand Gemeente is ‘n familie wat groei. Ons besef watter waardevolle rol die bejaarde lidmate (65 jaar en ouer) in hierdie visie speel. Baie van hulle was stigterslede van die gemeente en ons is bevoorreg dat hulle nog met ons is. Ons eer hulle as die ouer generasie in ons geloofsfamilie. Sonder die bejaarde lidmate se insig, wysheid en aanmoediging sal ons nie ‘n geloofsfamilie kan wees nie en sal daar ook nie groei kan plaasvind nie.
 |  |  Ons kuiers gaan altyd gepaard met lekker eet. |
|---|---|---|
 Ons eerste byeenkoms in die nuwe Ark op 24 Januarie 2025. |  |  Hoe rooier, hoe mooier! |
 Uithalerspan |  |
Bediening in Aftree-oorde
Lidmate in die aftree-oorde word in samewerking met Driftsands Trust bedien. Dit behels eredienste gedurende weeksdae asook jaarlikse huisbesoeke, siekebesoeke en hospitaalbesoeke. Aftree-oorde wat deur Driftsands Trust in hierdie omgewing bedien word:
-
Cheshire Home
-
Somerson
-
Krugertuine
-
Waltonpark en Ockie Oosthuisen
-
Duantpark
-
Munro Kirk en LAPA Munnik
-
Fairhaven
‘n Volledige kalender van Driftsands Trust, wat al die spesifieke besonderhede oor hierdie bediening bevat, is by ds. Kobus en die kerkkantoor beskikbaar. Jy kan hom ook met die volgende skakel aflaai:
Huisbesoeke
Dit behels huisbesoeke waar ons op persoonlike vlak met mense kan gesels oor hulle vreugdes, vrae en uitdagings. Daarmee verseker ons hulle ook dat hulle waardevolle lidmate van ons gemeente is.
Hierdie besoeke word op ‘n sistematiese basis gedoen, asook op versoek en tydens siekte, sterfte en ander spesiale omstandighede.
​
Lidmate wat besoeke verlang of enige inligting verlang, kan vir dr. Kobus Prinsloo skakel.
Klub 65
Dit is ‘n sosiale klub wat eenkeer per maand ‘n byeenkoms het. Ons bespreek relevante temas en kuier lekker saam as vriende. Hierdie is ‘n ideale geleentheid vir nuwe mense wat in Somerstrand kom aftree, om nuwe vriende te maak en vinnig in te skakel by die gemeente en gemeenskap.
Vir enige navrae of inligting.
Dr. Kobus Prinsloo
078 803 2877
Willem Smuts
082 332 3772